வேதகிரீஸ்வரர் கோயில் லட்சதீப விழா

திருக்கழுகுன்றம் வேதகிரீஸ்வரர் கோயில் லட்ச தீப சங்குதீர்த்த புஷ்கரமேளா விழாவுக்கான ஏற்பாடுகள் தீவிரமாக நடைபெற்று வருகிறது. 12 ஆண்டு களுக்கு ஒருமுறை திருக்கழுகுன்றம் வேதகிரீஸ்வரர் கோயில் லட்ச தீபம், சங்கு தீர்த்த புஷ்கர மேளா திருவிழா நடைபெறும்.

வரும் ஆகஸ்ட் 2-ஆம் தேதி இந்த விழா நடைபெறுகிறது. இதற்கான முன்னேற்பாடுப் பணிகள் தீவிரமாக நடைபெற்று வருகிறது. கோயிலைச் சுற்றி பக்தர்களுக்கு சுகாதாரமான குடிநீர் விநியோகம், தாற்காலிக கழிப்பறை, ஆங்காங்கே குப்பைகளை சேகரிக்க குப்பைத் தொட்டிகள் போன்றவை அமைக்க தேவையான நடவடிக்கைகள் எடுக்கப்பட்டு வருகிறது.

குளத்தைச் சுற்றி 5 இடங்களில் பெண்களுக்கு உடை மாற்றும் அறை அமைக்கவும், குளம், கோயிலுக்கு செல்லும் பாதை, கிரிவலப் பாதைகளில் ஏற்கெனவே உள்ள தெருவிளக்குகளுடன், எல்இடி பல்புகளை அதிக அளவு அமைக்கவும் முடிவு செய்யப்பட்டுள்ளது.