ஆதிகேசவப் பெருமாள் கோயில் ஐப்பசி திருவிழா

திருவட்டாறு ஆதிகேசவப் பெருமாள் கோயில் ஐப்பசி திருவிழா கொடியேற்றத்துடன் தொடங்கியது. இக்கோயிலில் ஆண்டுதோறும் ஐப்பசி திருவிழா மற்றும் பங்குனி திருவிழா நடத்தப்படுகின்றன. நிகழாண்டு ஐப்பசி திருவிழா வியாழக்கிழமை கொடியேற்றத்துடன் தொடங்கியது. கோயில் தந்திரி சஜித் சங்கரநாராயணரு கொடியேற்றி வைத்தார். தொடர்ந்து 10 நாள்கள் நடைபெறும் இத்திருவிழாவில் 27ஆம் தேதி பள்ளி வேட்டை நடைபெறுகிறது. 28ஆம் தேதி சுவாமிக்கு ஆறாட்டு நடைபெறுகிறது. முன்னதாக 23ஆம் தேதி திரு அம்பாடியில் கிருஷ்ணன் கோயிலில் கொடியேற்றும் நிகழ்ச்சி நடைபெறுகிறது.