ஏழுமலையான் கோயிலில் நடைபெற்ற பார் வேட்டை உற்சவம்

திருப்பதி ஏழுமலையான் கோயிலில் ஆண்டு தொறும் மாட்டு பொங்கல் அன்றும் மூன்று ஆண்டுகளுக்கு ஒருமுறை நடைபெறும் நவராத்திரி பிரம்மோற்சவம் முடிந்த அடுத்த நாள்  மலையப்ப சுவாமி வேட்டைக்கு செல்லும் பார்வேட்டை உற்சவம் நடைபெறுவது வழக்கம். 

அதன்படி மூன்றாண்டுகளுக்கு ஒரு முறை நடைபெறக்கூடிய நவராத்திரி பிரம்மோற்சவம் இந்த ஆண்டு கொரோனா வைரஸ் பரவலை தடுக்கும் விதமாக சுவாமி வீதிஉலா ரத்து செய்யப்பட்டு கோவிலுக்குள்ளேயே கல்யாண மண்டபத்தில் கடந்த 16ம் தேதி நவராத்திரி பிரம்மோற்சவம் தொடங்கி 24ம் தேதி நேற்று சக்கரத்தாழ்வார் தீர்த்தவாரியுடன் நிறைவு பெற்றது. 

இதனையடுத்து மலையப்ப சுவாமி சங்கு, சக்கரம், கத்தி, கதம், வில் உள்ளிட்ட பஞ்ச ஆயுதங்களுடனும்  கோயிலில் உள்ள கல்யாண மண்டபத்திற்கு எழுந்தருளினர். பின்னர் கல்யாண மண்டபத்தில் வனப்பகுதியை போன்று விலங்குகளுடன் அமைக்கப்பட்ட செயற்கை வனத்தில் மலையப்ப சுவாமிக்கு சிறப்பு பூஜைகள் செய்யப்பட்டது. பின்னர் மலையப்ப சுவாமி  வேட்டைக்கு சென்றார். 

அப்போது மூன்று முறை கோயில் தலைமை  அர்ச்சகர் வேணுகோபால தீட்சிதர்  ஈட்டியை ஏந்தி சுவாமியுடன் வனப்பகுதியை நோக்கி ஓடி சென்று எறியப்பட்டது.அவ்வாறு மூன்று முறை ஈட்டி செயற்கை வனத்தில் எரியப்பட்டு பூஜைகள் செய்யப்பட்டது. இதில் செயல் அலுவலர் ஜவகர் ரெட்டி, கூடுதல் செயல் அலுவலர் தர்மா ரெட்டி உள்ளிட்ட அதிகாரிகள் அர்ச்சகர்கள் பங்கேற்றனர். 

வழக்கமாக பார்வேட்டை உற்சவம் பாபவிநாசம் செல்லும் சாலையில் உள்ள பார்வேட்டை மண்டபத்தில் வனப்பகுதியை ஒட்டி நடை பெறுவது வழக்கம். ஆனால் இந்த ஆண்டு கொரோனா வைரஸ் பரவலை தடுக்கும் விதமாக அனைத்து உற்சவங்களும் கோவிலுக்குள்ளேயே நடத்தப்படுவதால் இந்த ஆண்டு பார்வேட்டை உற்சவம் கோவிலில் உள்ள கல்யாண மண்டபத்தில் செயற்கை வனப்பகுதி அமைக்கப்பட்டு நடத்தப்பட்டது குறிப்பிடத்தக்கது.