பொறையுடைமை - யாருக்கு உலகம் அழியும் வரைக்கும் புகழ் உண்டு (தினம் ஒரு திருக்குறள்)

குறள் : 
ஒறுத்தார்க் கொருநாளை இன்பம் பொறுத்தார்க்குப் 
பொன்றுந் துணையும் புகழ் 
மு.வ விளக்க உரை: 
தீங்கு செய்தவரைப் பொறுக்காமல் வருத்தினவர்க்கு ஒருநாள் இன்பமே; பொறுத்தவர்க்கு உலகம் அழியும் வரைக்கும் புகழ்
உண்டு. சாலமன் பாப்பையா விளக்க உரை: 
தமக்குத் தீங்கு செய்தவரைத் தண்டித்தவர்க்குத் தண்டித்த அன்று மட்டுமே இன்பம்; பொறுத்துக் கொண்டவர்க்கோ உலகம் அழியும் வரை புகழ் இருக்கும். 
கலைஞர் விளக்க உரை: 
தமக்குக் கேடு செய்தவரை மன்னித்திடாமல் தண்டிப்பவர்க்கு அந்த ஒரு நாள் மட்டுமே இன்பமாக அமையும் மறப்போம் மன்னிப்போம் எனப் பொறுமை கடைப் பிடிப்பபோருக்கோ, வாழ்நாள் முழுதும் புகழ்மிக்கதாக அமையும்