பொறையுடைமை - வறுமையிலும் கொடிய வறுமை (தினம் ஒரு திருக்குறள்)

குறள் : 
இன்மையு ளின்மை விருந்தொரால் வன்மையுள் 
வன்மை மடவார்ப் பொறை 
மு.வ விளக்க உரை: 
வறுமையுள் வறுமை, விருந்தினரைப் போற்றாமல் நீக்குதல்; வல்லமையுள் வல்லமை என்பது அறிவிலார் தீங்கு செய்தலைப் பொறுத்தலாகும்.
சாலமன் பாப்பையா விளக்க உரை: 
வறுமையுள் வறுமை, வந்த விருந்தினரை உபசரிக்காதது; வலிமையுள் வலிமை அற்றவரின் ஆத்திர மூட்டல்களைப் பொறுத்துக் கொள்வது 
கலைஞர் விளக்க உரை: 
வறுமையிலும் கொடிய வறுமை, வந்த விருந்தினரை வரவேற்க முடியாதது அதைப் போல வலிமையிலேயே பெரிய வலிமை அறிவிலிகளின் செயலைப் பொறுத்துக் கொள்வது