பிறனில் விழையாமை - கடைநிலை மனிதர்களைக் காட்டிலும் கீழானவர்கள் (தினம் ஒரு திருக்குறள்)

குறள் : 
அறன்கடை நின்றாரு ளெல்லாம் பிறன்கடை 
நின்றாரிற் பேதையா ரில் 
மு.வ விளக்க உரை: 
அறத்தை விட்டுத் தீநெறியில் நின்றவர் எல்லாரிலும் பிறன் மனைவியை விரும்பி அவனுடைய வாயிலில் சென்று நின்றவரைப் போல் அறிவிலிகள் இல்லை.
சாலமன் பாப்பையா விளக்க உரை: 
பாவ வழியில் நடக்கும் மனிதருள் எல்லாம், அடுத்தவன் மனைவியை விரும்பி அவன் வாசலில் நிற்கும் மூடனைப் போன்ற கடை நிலை மனிதர் வேறு இல்லை 
கலைஞர் விளக்க உரை: 
பிறன் மனைவியை அடைவதற்குத் துணிந்தவர்கள் அறவழியை விடுத்துத் தீயவழியில் செல்லும் கடைநிலை மனிதர்களைக் காட்டிலும் கீழானவர்கள்