ஒழுக்கம் உடைமை - பல்வேறு நூல்களைக் கற்றவரே என்றாலும் (தினம் ஒரு திருக்குறள்)

குறள் : 
உலகத்தோ டொட்ட ஒழுகல் பலகற்றுங் 
கல்லா ரறிவிலா தார் 
மு.வ விளக்க உரை: 
உலகத்து உயர்ந்தவரோடு பொருந்த ஒழுகும் முறையைக் கற்காதவர், பல நூல்களைக் கற்றிருந்த போதிலும் அறிவில்லாதவரே ஆவர். சாலமன் பாப்பையா விளக்க உரை: 
முந்திய அறநூல்கள் கூறியவற்றுள் இன்றைக்குப் பொருந்தாதவற்றை விலக்கியும், கூறாதனவற்றுள் பொருந்துவனவற்றை ஏற்றும் வாழக் கல்லாதவர், பல்வேறு நூல்களைக் கற்றவரே என்றாலும் அறிவில்லாதவரே. 
கலைஞர் விளக்க உரை: 
உயர்ந்தோர் ஏற்றுக் கொண்ட ஒழுக்கம் எனும் பண்போடு வாழக் கற்காதவர்கள் பல நூல்களைப் படித்திருந்தும்கூட அறிவில்லாதவர்களே ஆவார்கள்